ايام طفولتنا

ايــــام طفولتنا

يا ريت ان الزمان يدور ويرجع وقتنا الاول
وننعم في بساطتنا
زمان اول احس انه زمان فيه صدق شعور
نحب ونخلص النية وتجمعنا محبتنا
زمان ما فيه لا غيبة ولا حتى نفاق وزور
يا ليته بس لو يرجع ونسترجع طفولتنا
صغار قلوبنا بيضاء نعيش بعالم محصور
ولا نعرف ابد اغراب غير عيال حارتنا
صحيح صغار في التفكير لكن ما علينا قصور
نخطط نكسر اللعبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم في روحتنا وجيتنا
وعشان نأخر الحصة نخبي علبة الطبشور
نشاغب بس في الاخر تميزنا براءتنا
نحب الضحك والبسة نحب ننط فوق السور
نفرفش ليه ما نفرفش ما دام الضحك عادتنا
ولكن دارت الايام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
وتهدينا الالم والغم غصب عن عين رغبتنا
تعبنا من بلاوينا احد ضايق واحد مقهور
وكل غارق بهمه وفي الاخر تشتتنا
وانا ما اقول غير الا يا ليت ان الزمان يدور
ونرجع للوراء فترة نعدل وضع عيشتنا

يا ليت


منقول ....
تحياتي